Beste sarrera batean
aipatu dugun bezala, zirriborroak egiten hasten direnean hainbat aspektu
aztertu daitezke. Hala ere, lau edo bost urterekin gure ebaluaketak sakonagoak
izango dira.
Ondoren aipatuko dira
ebaluaketa horiek egiteko baliagarriak diren zenbait elementu:
Arkatza
hartzeko modua: Modu lasaian
edo gogortsu hartzen duen jakitea komenigarria da. Normalean marrak oraindik
nahiko traketsak dira, baina arkatza gogortsu hartzen badu tentsioa adierazi
dezake. Oso lagungarria da erakustea nola hartu behar diren arkatzak baina ere
bai utzi behar zaie hainbat gauza aurkitzea haien kabuz.
Begirada eta
jarrera: Irakaslea adi
egon behar da jakiteko ikasleak adi dauden edo ez, hau da, ea begiratzen
baduten marrazten dutena edo bakarrik mugitzen dute eskuak interes barik.
Marrazteko interesa ez badute, hobe da egoera ez behartzea, egokiagoa izango
zen uztea beste momentu baterako.
Okupatzen
duen espazioa: Ikusi behar
da paperean zenbat espazioa hartzen duen marrazkia egiteko. Normalean espazio
guztia betetzeak konfiantza, seguritatea eta ikertzeko gogoak adierazten ditu.
Okupatutako espazioa txikia denean alderantziz gertatzen da, hots, herabetasuna
adierazten du.
Trazua: Trazu zuzen eta on
bat egiteak mugimendu askatasuna, esperimentazioa eta ikasteko gogoak adierazten ditu. Trazua gehiegizko
presioarekin edo abiadurarekin egiteak, berriz, kontrol falta adierazten du.
